Inicio 
Comunicación As nosas notas de prensa Incluídos no Servizo de conservación e restauración de leitos programada anualmente
Comunicación As nosas notas de prensa Incluídos no Servizo de conservación e restauración de leitos programada anualmenteIncluídos no Servizo de conservación e restauración de leitos programada anualmente
- Detalles
- Venres, 01 Outubro 2021
A Confederación Miño-Sil finaliza os traballos de mellora da capacidade hidráulica do río Viñao en O Irixo (Ourense)
- O presidente da CHMS, acompañado dun membro da corporación municipal, supervisaron o resultado final dos mesmos
- As actuacións executadas abarcan máis de 2,4 km de leito
- O investimento efectuado supera os 20.000 euros
A Confederación Hidrográfica do Miño-Sil ( CHMS), Organismo autónomo dependente do Ministerio para a Transición Ecolóxica e o Reto Demográfico, mellora a capacidade hidráulica do río Viñao ao seu paso polo municipio ourensán do Irixo.
As actuacións executadas en máis de 2,4 km de leito melloran o funcionamento natural do río, amortecendo o efecto dos procesos hidrolóxicos, aumentando a súa heteroxeneidade e grao de naturalidade.
Os traballos consistiron na retirada dos restos de madeira e árbores inclinados sobre dominio público hidráulico e zona de servidume, que provocaban taponamentos no leito.
A retirada dos acarreos e sedimentos acumulados no leito, nun tramo de aproximadamente 65 metros e no corte e retirada dos perfís metálicos que se localizaban en dominio público hidráulico.
Esta mañá o presidente da CHMS, José Antonio Quiroga, acompañado por un membro da corporación municipal, supervisaron o resultado final dos traballos nos que o Organismo de conca investiu máis de 20.000 euros.
© Copyright 2025 Confederación Hidrográfica del Miño-Sil, O. A.
