A Confederación Hidrográfica do Miño-Sil amplía a rede SAIH cunha nova estación no río Barbaña, en Ourense

Detalles

Xoves, 16 Outubro 2025

• As estacións SAIH proporcionan datos cada 5 minutos ao Centro de Control de conca (CECU), para facilitar a toma de decisións #ante posibles situacións de risco
• O investimento ascende a 48.381 €, dos cales 36.285,75 € sufráganse a través do proxecto europeo POCTEP RISC_PLUS.
  

No seu esforzo por mellorar a xestión e control dos recursos hídricos, a Confederación Hidrográfica do Miño-Sil (CHMS), organismo autónomo dependente do Ministerio para a Transición Ecolóxica e o Reto Demográfico (MITECO), concluíu os traballos de instalación dunha nova estación de medición de nivel no río Barbaña, na cidade de Ourense, coa que se amplía a rede do Sistema Automático de Información Hidrolóxica (SAIH).

Cun investimento de 48.381 euros, a nova estación permite rexistrar e transmitir en tempo real datos hidrometeorológicos esenciais para a súa explotación e análise no Centro de Control de conca (CECU).

Estas accións non só buscan mellorar a capacidade de resposta fronte a emerxencias, senón tamén optimizar o uso sostible da auga para minimizar o impacto no cambio climático ou previr fenómenos meteorolóxicos extremos.

POCTEP RISC_PLUS, un proxecto cofinanciado por FEDER

As accións realizadas baixo o proxecto POCTEP RISC_PLUS están cofinanciadas polo Fondo Europeo de Desenvolvemento Rexional (FEDER) a través do programa Interreg VIN A España – Portugal (POCTEP) 2021-2027, que promove proxectos de cooperación transfronteiriza co apoio da Unión Europea. O investimento na estación do río Barbaña ascende a 48.381 euros, sufragándose 36.285,75 euros a través do proxecto europeo POCTEP RISC_PLUS.

Descargar PDF