A CHMS inicia as obras de mellora do paseo fluvial do Arenteiro no municipio ourensán do Carballiño

Detalles

Venres, 18 Xuño 2021

• O investimento previsto supera os 325.000 euros
• Esta mañá o presidente do organismo e o alcalde do municipio visitaron a zona de actuación na que se traballará ata final de ano

José Antonio Quiroga, presidente da Confederación Hidrográfica do Miño-Sil (CHMS), organismo autónomo dependente do Ministerio para a Transición Ecolóxica e o Reto Demográfico, e o alcalde do Carballiño, Francisco Fumega, comprobaron esta mañá o inicio das obras de acondicionamento do paseo fluvial e marxes do río Arenteiro no Carballiño (Ourense).

O proxecto

As obras do paseo consisten na substitución do pavimento de xabre actual por un novo a base de aripaq, resistente á erosión pola acción da auga, e na mellora da drenaxe e evacuación de augas pluviais nunha lonxitude de 2 Km, situados entre Rúa do Irixo e Rúa Astureses.

Ademais, o proxecto contempla a substitución da cuberta dun lavadoiro da Toscaña, adxacente ao paseo, así como a adecuación dun acceso existente desde o vial Rúa Río Miño e o acondicionamento dunha leira próxima para a futura instalación dun parque infantil.

Estas obras foron adxudicadas á empresa Orega, S.L. por importe de 325.163,77 €, para ser executadas nun prazo máximo de 6 meses.

Descargar PDF