A CHMS resolve o expediente sancionador contra a execución do aparcamento do Club Fluvial sen a correspondente autorización administrativa

Detalles

Mércores, 09 Xuño 2021

• A solicitude efectuada en 2016 que foi autorizada pola CHMS, establecía un prazo de execución ata o 21 de marzo de 2018, o que implica a súa caducidade ao comezo das obras (2020)
• O executado non se axusta ao proxecto orixe polo que neste momento non sería autorizable polo Organismo de conca
• “É importante lembrar que a directiva do Club Fluvial non ten patente de corso ao incumprimento da lei” concluíu o presidente

A Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, resolveu o expediente sancionador contra a execución do aparcamento do Club Fluvial sen a correspondente autorización administrativa invadindo as zonas de Dominio Público Hidráulico (DPH) e servidume.

A directiva do Club Fluvial solicitara en 2016 autorización para a execución dun aparcamento cunhas dimensións e características concretas, sendo autorizada polo Organismo e establecendo o prazo de execución dos traballos ata o 21 de marzo de 2018.

Esta sociedade realizou as obras coa autorización caducada e cunhas características distintas ao proxecto orixe, invadindo as zonas de DPH e servidume, o que de ningún xeito podería ser autorizable.

“É importante lembrar que a directiva do Club Fluvial non ten “patente de corso” ao incumprimento da lei” concluíu o presidente da CHMS.

Descargar PDF