A CHMS licita por 1,3 millóns as obras de restauración hidrolóxico-forestal e mellora da conectividade das canles da provincia de Lugo situados en Rede Natura 2000

Detalles

Martes, 30 Maio 2017

• O obxectivo é manter o réxime fluvial natural, mellorar ambientalmente a contorna e previr inundacións en máis de 65 km. de canles situadas en zonas sensibles
• No BOE de hoxe, 30 de maio, pódese consultar a data límite de presentación de ofertas para o contrato de Obras e para o contrato de Servizos de Asistencia Técnica á dirección das mesmas

A Confederación Hidrográfica do Miño-Sil (CHMS), organismo autónomo dependente do Ministerio de Agricultura e Pesca, Alimentación e Medio Ambiente, licitou por 1.216.793 euros o contrato de obras para a "Restauración Hidrolóxico- Forestal e mellora da conectividade en varias canles da conca Miño-Sil na provincia de Lugo de zonas incluídas en Rede Natura 2000" e por importe de 72.114 euros o contrato de Servizos de Asistencia Técnica á dirección destas actuacións.

O obxectivo do proxecto que executará o Ministerio, a través da Confederación Hidrográfica do Miño-Sil (CHMS), mellorará o réxime fluvial natural e a contorna das canles situadas en zonas sensibles, situadas en Terra Chá, Vilalba, Monforte de Lemos e Lugo, incluídas en áreas da Rede Natura 2000, que actualmente presentan escasa capacidade de desaugadoiro como consecuencia da acumulación de árbores caídas -mortos ou decrépitos-, ramas baixas, etc., que provocan zonas de tapóns e represas vexetais, o que dificulta a circulación das augas e provoca arrastres de orixe vexetal e antrópico.

A presentación de ofertas realizarase a través do Rexistro Xeral da Confederación Hidrográfica do Miño-Sil, situado na C/ Curros Enríquez, 4-2º de Ourense, CP 32003, ata as 14,00 horas do día 29 de xuño para o contrato de Obras e do 22 de xuño para o contrato de Servizos de Asistencia Técnica.

Descargar PDF