A Confederación do Miño-Sil inicia os traballos de estabilización do noiro dereito da presa de Bárcena

Detalles

Sábado, 11 Marzo 2017

O investimento supera os 677.000 euros  e o prazo de execución estímase en dous meses

Durante a execución dos traballos, desde o luns 13 de marzo permanecerá cortada ao tráfico a estrada de coroación da presa, de luns a sábado, ambos os incluídos,  de 8:00 a 13:30 e de 15:00 ás 19:00

O Ministerio de Agricultura e Pesca, Alimentación e Medio Ambiente, a través da Confederación Hidrográfica do Miño-Sil (CHMS), iniciará o vindeiro luns, 13 de marzo, os traballos de estabilización  de desprendementos no noiro do estribo dereito da presa de Bárcena,  T.M. de Ponferrada (León). O investimento supera os 677.000 euros  e o prazo de execución estímase en dous meses.

O proxecto

O estribo dereito da presa de Bárcena aséntase nunha ladeira de natureza granítica e presenta un rede de diaclasas coas súas direccións principais favorables ao desprendemento de bloques superficiais, que poden afectar ao viario de coroación, ás instalacións da central hidroeléctrica situadas a pé de presa, así como ao corpo da propia presa.

Co fin de emendar as deficiencias detectadas e para protexer destes desprendementos,  executaranse obras de colocación, en toda a superficie da ladeira, dunha malla de triplo torsión 2,4 mm de diámetro, reforzada cunha rede de cables de aceiro de 8 mm de diámetro en cuadrícula de 300x300 mm, encostada ao noiro mediante grampas antiescorregadizas.

Esta malla e rede de cables está rematada en cuadrículas de 3x3mm, mediante cables de 14 mm, ancorados á ladeira con bulones de 6 m de lonxitude e, para para realizar unha suxeición puntual daqueles bloques con maior risco de caída e de gran tamaño, inclúese unha partida de 35 bulones pasivos.

Para a execución destes traballos é necesario dispoñer dun guindastre autopropulsada colocada na estrada de coroación da presa, o que obriga a cortar o tráfico neste viario de coroación. O corte de tráfico realizarase en días laborables (sábados incluídos) no horario de traballo de 8:00 a 13:30 horas e de 15:00 a 19:00 horas. Dispoñerase a sinalización correspondente en ambos os sentidos de circulación.

Descargar PDF