O MITECO licita as obras de saneamento do río Barbaña e EDAR de San Cibrao por importe de 35.743.447€
- Detalles
- Venres, 19 Setembro 2025
- A Plataforma de Contratación anuncia o inicio do procedemento de licitación, cun prazo de presentación de ofertas que finalizará o próximo 28 de outubro, ás 14,00 horas
- O obxecto deste proxecto é a adecuación do sistema de saneamento do río Barbaña, na contorna de San Cibrao e os seus polígonos industriais
A Dirección Xeral da auga, dependente do Ministerio para a Transición Ecolóxica e o Reto Demográfico do Goberno de España, dá paso máis no proxecto de "Finalización do saneamento do río Barbaña, e mellora EDAR de San Cibrao das Viñas fase II (Ourense)"; hoxe mesmo a Plataforma de Contratación do Sector público anuncia a licitación das obras por importe de 35.743.446,90 euros.
O prazo de presentación das ofertas finalizará o próximo 28 de outubro ás 14,00 horas.
Estas actuacións foron declaradas de interese xeral do Estado pola Lei 22/1997, do 8 de xuño, pola que se aproban e declaran de interese xeral determinadas obras hidráulicas.
O obxecto deste proxecto é a adecuación do sistema de saneamento do río Barbaña na contorna de San Cibrao e os seus polígonos industriais, para iso proxectáronse actuacións na rede de colectores existente, tanto de pluviais como de residuais, e a remodelación integral da EDAR co obxectivo de que cumpra cos parámetros de vertedura autorizados.
"O compromiso do Goberno de España queda patente nesta emblemática e necesaria obra, aínda que a colaboración e implicación de todas as Administracións e a concienciación social e do tecido empresarial é clave para evitar os episodios recorrentes de contaminación ao río Barbaña", concluíu o presidente.
